Rubara Marando, mgombea wa Mwenyekiti wa Taifa wa TAMICO, pamoja na Lucas Bujashi, Katibu Mkuu

Uadilifu,
uwajibikaji
na matokeo.

Chama chetu kinastahili kuwa na nguvu zaidi, kuonekana zaidi, na kuleta matokeo yanayogusa maisha ya kila mwanachama, kazini na nyumbani.

Dhamira yangu

Kutetea haki, maslahi na ustawi wa wanachama kupitia majadiliano yenye ushahidi, uongozi shirikishi, matumizi ya teknolojia, na uzingatiaji kamili wa Katiba na Kanuni za chama.

Misingi ya uongozi wangu

Uwazi

Taarifa za utendaji kazi wa chama kwa kila robo.

Ushirikishwaji

Maamuzi kufanywa na vyombo vyenye dhamana katika ngazi husika.

Uwajibikaji

Ahadi zitapimwa kwa viashiria vinavyopimika.

Uadilifu

Katiba na Kanuni ndizo dira ya kila hatua.

Matokeo

Kipimo cha uongozi ni maisha bora ya mwanachama.

Ahadi zangu nane

Gusa ahadi yoyote kuona maelezo yake kamili.

1. 01 Mikataba bora na maslahiCBA hai, madaraja kwa wakati, bima ya afya na motisha.

   • Kujadiliana na kusaini Mikataba ya Hali Bora (CBAs) katika kila taasisi yenye wanachama.
   • Kufuatilia utekelezaji wa mikataba iliyosainiwa, si kuisaini tu.
   • Kujadiliana na waajiri kuweka ruzuku bima ya NHIF ili kupanua wigo wa huduma kwa watumishi.
   • Kudai motisha (Incentives) kwa watumishi ili kuongeza ari ya utendaji.

2. 02 Ulinzi wa haki zakoDawati la msaada wa kisheria na uwakilishi wa wanachama.

   • Dawati la msaada wa kisheria kwa migogoro ya kikazi, kufukuzwa kazi na makosa ya kinidhamu.
   • Kuwawakilisha wanachama katika Tume ya Usuluhishi na Uamuzi (CMA) na Mahakama ya Kazi.

3. 03 Elimu na maandalizi ya kustaafuMafunzo ya haki za kazi, uongozi na fedha binafsi.

   • Mafunzo ya sheria za kazi, haki za mfanyakazi na majadiliano kwa viongozi wa matawi.
   • Kuhakikisha taasisi zinaandaa semina za maandalizi ya kustaafu na usimamizi wa fedha binafsi.
   • Kuandaa viongozi chipukizi kwa uongozi wa baadaye.

4. 04 Ustawi wa watumishi wa chamaMuundo bora wa watumishi, mishahara na stahiki kwa wakati.

   • Kuandaa na kuidhinisha Scheme of Service kwa watendaji wa chama.
   • Maboresho ya mishahara na stahiki zinazoendana na gharama za maisha.
   • Mafunzo endelevu na mazingira bora ya kazi.
   • Tathmini ya utendaji iliyo wazi na motisha kwa wanaofanya vizuri.

5. 05 Matawi imara, chama kikubwaKuongeza wanachama na kufufua matawi yaliyolala.

   • Nguvu ya chama ni idadi ya wanachama. Bila wingi hatuna sauti mezani.
   • Kubaini maeneo mapya ya waajiri.
   • Kampeni maalum ya usajili katika taasisi zisizo na matawi.
   • Kufufua matawi yaliyolala na kuyapa mafunzo ya uongozi na nyenzo za kazi.

6. 06 Makao Makuu DodomaKuanza ujenzi mwaka 2027 na kuweka kumbi za kuingizia mapato.

   • Chama kinapaswa kuwa karibu na makao makuu ya Serikali.
   • Kutumia ujuzi wa wanachama kuandaa nyaraka za ujenzi wa Ofisi za Makao Makuu, Dodoma.
   • Kuanza ujenzi wa Ofisi ya Makao Makuu mwaka 2027.
   • Jengo litajumuisha miradi ya kuingiza mapato.

7. 07 Chama cha kidigitaliKanzidata, kadi za wanachama na huduma mtandaoni.

   • Kanzidata (database) ya wanachama yenye usajili mtandaoni na kadi za kidigitali.
   • Uwasilishaji wa taarifa za utendaji kupitia mtandao.
   • Usambazaji wa jarida (Newsletter) kwa wanachama kila robo mwaka.
   • Utwaaji na uwasilishaji wa fomu za kugombea mtandaoni.

8. 08 Utawala bora na sauti yakoKatiba, uwazi wa fedha na uwakilishi wa makundi yote.

   • Kusimamia uzingatiaji kamili wa Katiba na Kanuni katika chaguzi, vikao na matumizi ya fedha.
   • Kuhakikisha vikao vya kikatiba vinafanyika kwa wakati na kumbukumbu zinatunzwa.
   • Uwakilishi halisi wa wanawake, vijana, watu wenye ulemavu na kada mbalimbali katika vikao vya maamuzi.
   • Kuimarisha kamati za wanawake na vijana kwa bajeti na majukumu ya wazi.

Jinsi mtakavyonipima

Kila ahadi itakuwa na kiashiria kinachopimika, na taarifa ya utekelezaji itawasilishwa kila mwaka mbele ya Mkutano Mkuu.

• Wanachama na matawiMiaka 2

  Ongezeko la wanachama kwa 30% na matawi mapya katika taasisi zisizo na matawi

• Mikataba ya Hali BoraMiaka 3

  Kila tawi kuwa na CBA hai iliyosainiwa

• Makao Makuu DodomaMiaka 3

  Kujengwa ofisi za makao makuu

• Scheme of ServiceMwaka 1

  Scheme of Service ya watendaji kuidhinishwa na kuanza kutumika

• Bima ya afya na motishaMiaka 2

  Makubaliano mapya ya maboresho na waajiri

• Mifumo ya kidigitaliMwaka 1

  Wanachama wote kusajiliwa kwenye kanzidata; kadi za kidigitali

• Katiba na KanuniKila mwaka

  Vikao vyote vya kikatiba kufanyika kwa wakati

• UshirikishwajiMwaka 1

  Makundi maalum kuwakilishwa katika kila kikao cha maamuzi

• Uwazi wa fedhaKila robo

  Taarifa za fedha kila robo mwaka; ukaguzi wa nje kila mwaka

• Maoni, malalamiko na maswaliMiezi 6

  Mfumo kufanya kazi; angalau 90% ya hoja kujibiwa ndani ya siku 14